E përdhunoi disa herë pas lidhjes, mamaja nga Ukraina denoncon shqiptarin

E përdhunoi disa herë pas lidhjes, mamaja nga Ukraina denoncon shqiptarin

Një shqiptar në Itali është dënuar me 4 vite burg në mungesë pas denoncimeve nga ish-e dashura e tij nga Ukraina.

Vendimi për dënimin e shqiptarit 35-vjeçar, identiteti i të cilit nuk jepet në mediat italiane, është dhënë nga një gjykatë në Pisa.

E dashura e shqiptarit e cila tashmë jeton në Ukrainë, është e martuar dhe me 2 fëmijë.

Në kohën kur kanë ndodhur ngjarjet, të dy, ukrainasja dhe shqiptari (tashmë në kërkim nga autoritet italiane) jetonin në Livorno.

Mediat vendase shkruajnë se shqiptari ka shkuar gjithashtu në vendin e tij të lindjes prej kohësh duke i shpëtuar kështu dënimit.

Avokati i shqiptarit ka kërkuar në gjykatë që 25-vjeçari të shpallet i pafajshëm.

Historia

Shqiptari dhe ukrainasja ishin të dashur. Një marrëdhënie paralele dhe e fshehtë që në momentin kur i erdhi fundi, nxiti xhelozinë e shqiptarit, i cili asokohe punonte në ndërtim.

Ajo ka denoncuar se shqiptari e ka përdhunuar disa herë pas lidhjes, nën kërcënimin se do ti tregonte bashkëshortit të saj historinë e tradhtisë.

Ajo gjithashtu ka denoncuar se shqiptari e ka dhunuar fizikisht dhe e ka përndjekur.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.