Elbasan/ “Gruaja iku me të dashurin, ja çfarë më bënë pastaj”

Një 37 vjeçar nga Elbasani, i quajtur Petrit Carciu tregon se ndihet i kërcënuar nga njerëzit e ish gruas së dytë, megjithëse ka braktisur Shqipërinë dhe ndodhet në Gjermani bashkë me djalin që kishte nga martesa e parë.
Carciu thotë se nuk kthehet dot në Shqipëri pasi është shpallur person në kërkim, megjithëse ish gruaja e dytë i ka mbajtur djalin për dy ditë pasi iku nga shtëpia me të dashurin.

Historia

Jam një djalë normal si gjithë të tjerët, jam 37­vjeç nga Elbasani. Shumë vite më parë rashë në dashuri me një vajzë dhe ramë dakord që të martoheshim. Bëmë dasmë të madhe, unë kam një djalë me ish­gruan e parë. Kjo që kisha tashi, të dytën që bëmë dasmën gjithmonë në fillim shkonim mirë. Kjo ka qenë nga Mirdita po pak rëndësi ka. Ishim të lumtur, une punoja në lokalin tim. Kjo bashkë me mua ishte pronare.
Mbas 2 apo 3 vitesh vjen dikush në lokal që e njifja prej kohësh kush ishte, gjithsesi e respektoja si njeri se ia dija hallin, ishte njeri që s’kishte bukë me ngrënë. Por ai u tregua bukëshkelës te mua. Ish­bashkëshortja ime u lidh me këtë person, i cili është i denoncuar në Itali për shfrytëzim femrash dhe për pedofili, pasi ka tentuar të kapë një vajzë 12 vjeçe dhe ka bërë burg në Itali.
Një ditë më tha bashkëshortja ime që kam mamanë në Lezhë në spital dhe unë i thashë që shko te mamaja dhe merr edhe djalin që unë e kisha me gruan e parë. U nisën të dy por nuk shkojnë në Lezhë, bashkëshortja ime shkon në shtëpinë e këtij pedofilit dhe ma mbajnë djalin dy ditë brenda. Unë e dija që ata ishin në Lezhë ne spital, por pas dy ditëve më vjen djali te lokali në një gjendje të mjerë.
Kur e pashë u çudita dhe i thashë se përse je bërë kështu? Ai filloi të qaje dhe më tha se e kishin rraf dhe e kishin torturu, por kishte ikur me lezet. Më pas e pyeta se çfarë kishte ndodhur dhe ku ishte mami (djali e thërriste mama), ai më tha që ata nuk kishin shkuar në spital, por kishin shkuar te A.D. Aty s’e desha veten, shkova direkt te shtëpia e atij pedofilit dhe e gjeta aty, shkruan Panorama.
Ai më pa i trembur, mendoi se do e vrisja, por i thashë që nuk e vras pasi nuk ndyj duart me plehra. i kërkova të më dorëzonte atë që kishte brenda që ta dorëzoja te njerëzit e vetë dhe më pas ai të bënte ç’të donte pasi për mua ishte thjesht një bukëshkelës. Zbrita dhe i prita poshtë pallatit, madje u dhashë kafe të dyve edhe pse ata donin plumbin, por mendova për djalin. E mora në shpi, mora vëllain e saj në celular dhe ia thashë kur erdhi. Mbas një jave këta më çojnë në polici kot pa lidhje, për përndjekje dhe sikur unë e kisha mbajtur me zor për 3 vite, ndërkohë që të gjithë e dinë që unë bëra dasëm.
Unë i thashë policisë që ata më mbajtën djalin 2 ditë me dhunë, por ajo nuk e pranoi ndërsa policia as që e vuri ujin në zjarr. Madje ata më bënë presion dhe më detyruan të largohem nga Shqipëria. Në datë 8 maj 2015 unë iki në Gjermani bashkë me djalin, ndërsa lokalin e jap me qera.
Mbas 4 muajsh ajo më shkruan në Facebook ku më thotë se të dua dhe se e lashë A.D. dhe shumë gjëra të tjera. Unë i thashë se je ti ajo që më çoi ne polici, që më mbajti djalin 2 ditë brenda dhe që i keni bërë presion se do të vrasim babin po i tregove. Ajo e mohoi këtë dhe më tha se të gjitha këto i kishte bërë ky plehra A.D., gjë që ma pohoi edhe vëllai i saj.
Ky pedofili i kishte gris pasaportën që të mos largohej nga ai, mua më erdhi keq dhe i thashë të rrinte te motra ime në Tiranë. Vjen vëllai im nga Greqia dhe shkon në Tiranë për ta marrë që ta sillte në Gjermani, por s’po kalonte dot në Kapshticë pasi kishte pasaportën e grisur. Më pas ndodh e papritura, A.D. më shkruan dhe i con mesazhe të gjithë miqve të mi, të cilëve u dërgon foto nudo të asaj. Mua më shkruanin shokët dhe u habita, pyeta se kush ua kishte dërguar dhe pashë që ishin adresa falso në Facebook. Më pas më merrte vëllai i saj F.N. i cili më bënte presion, ndërkohë që unë s’kisha asnjë faj.