Getinjo zbulon kuptimin e thënies “Mnmnmnmn-Mnmnmnmn” (Video)

“Tony Montana” është kënga e cila u publikua gjatë këtij viti, e që në fakt lirisht mund të thuhet se ishte ndër këngët më të dëgjuara të estradës.

Vëllezërit Getinjo dhe Mozzik shënuan suksesin e tyre të vitit me këtë këngë, e cila edhe pse ndoshta melodioze për veshët, asnjëherë se kuptuam tekstin e plotë të saj.

Në njërën nga frazat e tekstit, është reperi Getinjo ai i cili vazhimisht përsërit shprehjen: “Mnmnmnmn”, e që në fakt te publiku vazhdimisht parashtrohej një pikëpyetje? Çfarë donte të thoshte ai me këtë?

I ftuar mbrëmë (e premte) në emisionin “Top Show Magazine”, Getinjo ka treguar se cili është kuptimi i kësaj shrehje të pakuptimtë, dhe ai u përgjigj: “Ajo fjalë s’do të thotë kurrgjë, unë vetëm jam themelues i fjalës”, gjersa më pas ka ardhur reagimi i menjëhershëm i opinionistit Ervin Kurti me pyetjen “Po ç’fjalë është ajo?”

Reperi ka vazhduar më pas sërish me replikimin duke u shprehur: “Ajo fjalë i bie Mnmnmnmn, ajo s’është asgjë, këtë fjalë nëse e kthejmë në të vërtetën, në atë se çfarë i bie atëherë është me ne, me ne, me ne, pra ti je me ne, pastaj e kam bërë Mnmnmnmn, por kam dashur edhe ta provojë veten se a mund të mësojë gjithë popullin ta thonë një fjalë që s’ka gjuhë, as s’ka fjalor dhe mbi të gjitha s’ka kuptim”, përfundon ai.

Emisioni më pas ka vazhduar me ‘talljen’ e dy opionistëve ndaj reperit, duke thënë me sarkazëm fjalët “Paske bërë një alamet shpikje ti”, apo “Ty bravo të qoftë, sa bukur të ka shkuar mendja”.

Vlen të përmendet se kënga “Tony Montana” deri tani ka arritur të kap shifrën e 16 milion klikimeve në YouTube.