Moti i keq “godet” Vlorën, bllokohet rruga e Llogarasë

Moti i keq “godet” Vlorën, bllokohet rruga e Llogarasë

Qarku i Vlorës është një ndër më problematikët dhe të prekurit për shkak të përmbytjeve. Gjatë natës mes të enjtes dhe të premtes për shkak të reshjeve të dendura ka pasur rrëshqitje dheu dhe gurësh.

Kjo ka bëtë që aksi rrugor Vlorë-Llogara të jetë i bllokuar. Po ashtu edhe brenda në qytet paraqitet vështitrësi në qarkullim për shkak të pranisë së madhe të ujit, kryesisht në rrugët që lidhin bulevardin dhe në rrugën Transballkanike.

Ndërkohë zonat periferike paraqesin prani të madhe uji, edhe për shkak të lumit Vjosa çka i rrezikon më shumë.

Në rast se prurjet e reshjeve vijojnë me këtë intensitet pritet që lumi të dalë nga shtrati, duke rrezikuar shumë zona.

Zona pranë urës së Novoselës është në rrezik, për shkak të fryrjes së madhe të lumit. /a.y/noa.al

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.