Pasi u grind me gruan, burri ndërron jetë duke fjetur. Ja mesazhi i fortë për çiftet që flenë të mërzitur me njëri-tjetrin…

Një grua ka një mesazh për të gjitha çiftet: Mos flini kurrë të mërzitur me njëri-tjetrin! Ajo dha pikërisht këtë mesazh pasi gjeti burrin e saj të pajetë ditën pasi ishin zënë dhe nuk kishin folur.

Mamaja e tre fëmijëve, Ashley Murray, 33 vjeç, tha se ajo pati një grindje shumë të madhe me bashkëshortin e saj Mikey, 36 vjeç, për shkak të qëndrimeve të tij të gjata në punë. Ata nuk e kishin zgjidhur problemin përpara se të flinin, prandaj ajo i kishte kërkuar atij të flinte në divan.

Më vonë ajo zbuloi se burri i saj, i cili punonte si pastrues tapetesh, kishte punuar me orë të zgjatura për të ruajtur disa para dhe për t’i bërë një udhëtim në Pragë surprizë gruas së tij për përvjetorin e tyre.

Zonja Murray tha: “Ai punonte 16 orë pa ndaluar, për 7 ditët e javës vetëm që të na çonte në një udhëtim në “Disney Land” çdo vit. Ishte shumë e vështirë, por ai do të bënte gjithçka vetëm të shihte buzëqeshjen në fytyrat tona. Por orët që ai po punonte po shtoheshin çdo ditë e më shumë. Ai ishte shumë i lodhur gjatë gjithë kohës dhe po përkeqësonte shumë shëndetin e tij. Kur erdhi në shtëpi atë natë ishte i rraskapitur.

Nuk munda ta duroja atë pamje dhe u nevrikosa shumë. Më kishte ardhur në majë të hundës ajo pamje. Pasi debatuam i thashë të flinte në divan, diçka shumë e kotë kjo, pasi arsyeja për të cilën po zihesha ishte pikërisht qëndrimi i tij sa më pranë nesh”.

Kur u zgjua atë mëngjes, ajo kishte shkuar ta kontrollonte dhe e kishte kuptuar direkt se diçka nuk po shkonte mirë. Ai po qëndronte në të njëjtin pozicion dhe fytyra e tij ishte bërë pothuajse gri.

“Shkova pranë tij dhe e preka, por ai ishte akull i ftohte dhe unë u tremba aq shumë sa dola direkt nga dhoma. Vrapova te fëmija im 14-vjeçar dhe i bërtita: “Babai yt ka vdekur”. Më pas dola në rrugë dhe ulërija si e çmendur: “Mikey ka vdekur!”. Më pas më ra të fikët dhe erdhën të më ndihmonin fqinjët. U ndjeva shumë fajtore. Isha shumë e nevrikosur me veten që i thashë të flinte në divan. Sot e kam ende të vështirë t’ia fal vetes që fjalët e mia të fundit që i thashë atij dolën nga nervozizmi.

Më pas kur mora vesh se ai punoi aq shumë për të ruajtur disa para për pushimet e përvjetorit tonë ishte shkatërruese. M’u thye zemra dhe askush nuk do mund ta mbushë përsëri atë. Humbja e tij më ka ndryshuar plotësisht pikëpamjen për jetën. Jeta është shumë e shkurtër për të shkuar në krevat i mërzitur dhe mos të kalosh aspak kohë me të dashurit e tu”.

Çifti ishte njohur në 2007-n dhe ishte martuar në 2010-n. Murrell adoptoi vajzën 14 vjeçare të Ashley-t dhe patën dy binjakë bashkë në 2013-n. Mjekët thonë se ai mund të ishte mbytur në gjumë, por asgjë nuk është e sigurt. Ata pranojnë se vdekja mund t’i ketë ardhur nga operacioni në stomak që kishte bërë për të humbur peshë disa muaj më parë.

“Pas operacionit, Mikey asnjëherë nuk e mori veten plotësisht. Pavarësisht se nuk ishte mirë, ai gjithmonë do ta mbushte veten me punë dhe do të kujdesej për fëmijët…”.

Në fjalimin e saj, më datë 8 qershor, në varrimin e të dashurit të saj, ajo tha: “Shkoni dhe puthni të dashurit tuaj dhe tregojuni se ju do të jeni aty me ta, pavarësisht gjithçkaje. Bëjuani të ditur se i doni dhe do të vazhdoni t’i doni pafund dhe sikur ata të mos jenë më aty”.