Plaka e braktisur 93-vjeçare: Kanë dalë e më kanë lanë vetëm

Qamile Poroshica është e moshuara, e cila u gjet në gjendje të rëndë shëndetësore në shtëpinë e saj. 93-vjeçarja jetonte e vetme prej disa muajsh dhe ishte kequshqyer, duke bërë që gjendja e saj shëndetësore të rëndohet. Ajo u gjet nga punëtorët e një kompanie në Prishtinë, ndërsa kur e pyesin për të birin shprehet: “Kanë dalë e më kanë lanë vetëm”.

Punëtorët që e kanë gjetur të moshuarën e kanë thirrur menjëherë policinë, ndërsa i është dhënë edhe ndihma mjekësore. “Vendi ku jeton nuk është as shtëpi. Nuk mund të besoj që një nënë jeton në atë gjendje”, tha Ahmeti.