Qëlloi bashkëshortin 13 herë me thikë pasi mendonte se e tradhtonte, por veprimi i partnerit të saj habiti të gjithë (Foto)

Kjo është puthja e faljes. Dy vite më parë, një i moshuar u godit 13 herë më thikë nga bashkëshortja e tij, në shtëpinë e tyre në Cheltenham, Gloucestershire. Por ai vendosi që ta falë shoqen e jetës, e cila është 84-vjeçe.

Kjo e fundit qëlloi me thikë të shoqin pasi mendonte se ai e tradhtonte. Më pas ajo u dënua me 4 vjet e 6 muaj burg.

Por pas disa gjyqesh bashkëshorti ka vendosur të falë gruan e tij dhe janë fotografuar duke u puthur. Elizabeth Stokes tha se tashmë është sqaruar me burrin e saj John dhe kanë zgjidhur çdo mosmarrëveshje.

John ka thënë para gjyqtarëve se është shëruar plotësisht nga plagët e marra në vitin 2014, dhe se ishte i sigurt se donte të falte bashkëshorten e tij. Ai ka treguar se nga shtatori i vitit të kaluar, ka shkuar për ta vizituar në burg çdo javë, transmeton shekulli.

“Gjatë kësaj kohe kemi diskutuar për çdo problem tonin. Tashmë ajo beson plotësisht tek unë. Madje edhe unë jam i sigurt që ajo është penduar për veprimin e saj. Ne duam që martesa jonë të vazhdojë dhe sinqerisht ne besojmë se gjërat do të bëhen më mirë”, ka thënë ai në gjykatë.