Ra nga karroca e kalit, burri humb jetën tragjikisht

Ra nga karroca e kalit, burri humb jetën tragjikisht

Një i moshuar ka gjetur vdekjen tragjikisht pasi ra nga karroca që tërhiqej nga një kalë, në të cilën kishte hipur.

Ngjarja e rëndë ndodhi sot në fshatin Samaticë të Urës Vajgurore, ku viktimë mbeti 65-vjeçari, H.Ç,

Mësohet se ai humbi jetën në vendin e ngjarjes dhe trupi i pajetë u dërgua për në morgun e spitalit për ekspertizën mjeko-ligjore.

Njoftimi i policisë

Më date 28.12.2017, në Sallën Operative është njoftuar se në fshatin Samaticë, Ura Vajgurore, shtetasi H.Ç, 65 vjeç, ka rënë nga karroca e cila tërhiqej me kalë dhe ka gjetur vdekjen.

Menjëherë në vendngjarje kanë shkuar shërbimet e policisë dhe grupi hetimor ku po kryen veprimet për zbardhjen dhe dokumentimin e plotë të ngjarjes. Trupi i pa jetë është transportuar në morgun e Spitalit Rajonal Berat ku po kryhet ekspertiza mjeko-ligjore. /k.k/noa.al/

Foto ilustruese

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.