Rikthehet pas 8 vitesh ‘West Side Family’, dedikimi për Dr.Florin do t’ju përlotë

West Side Family ka qenë një nga grupet më të dashura për publikun dhe këngët e tyre vazhdohen të dëgjohen edhe sot. Kënga e fundit e grupit ishte “Çohu”, e publikuar në vitin 2009 e që prej asaj kohe West Side Family filloi t’i mungonte publikut të cilët kanë pritur me shpresë një rikthim të tyre.3 vite pas ndarjes nga jeta të Dr.Florit, Landi dhe Miri kanë rikthyer sot grupin West Side Family duke publikuar këngën “Beso”, dedikuar Dr.Florit, një këngë plot ndjenjë dhe që përcjell një mesazh, ashtu siç gjithmonë grupi West Side Family ka përcjellë me këngët e tyre.Dr.Flori është bërë pjesë e këngës me një regjistrim që me siguri është regjistruar vite më parë dhe ndonëse jo fizikisht, ai nuk mund të mungonte në klip pasi fotografia e tij shfaqet disa herë. Ndiqni klipin prekës dhe këngën që do t’ju përcejllë shumë emocione. Ja video: