Rolanda kishte kthyer lokalin në “shtëpi” prostitucioni, si u kap mat tutorja 60-vjeçare

Foto ilustruese.

Një grua 60-vjeçare është arrestua mëngjesin e sotëm në Tiranë me akuzën e shfrytëzimit të prostitucionit duke përdorur për këtë ambientet e lokalit të saj.

Shtetasja e arrestuar është Rolanda Qose, banuese në Tiranë. Gjithashtu në procedim në gjendje të lirë është edhe një 46-vjeçare dhe një 40-vjeçar që mendohen si bashkëpunues me Rolanda Qosen.

Arrestimi i Rolanda Qoses u krye pasi në Vaqarr, në lokalin e saj i siguronte kliente për ushtrim prostitucioni shtetases M.Gj., 46 e vjeçe, e cila u kap në flagrancë nga shërbimet e policisë, me shtetasin E.M., 40 vjeç.

Materialet iu referuan Prokurorisë së Rrethit Gjyqësorë Tiranë, për veprat penale “Shfrytëzimi i prostitucionit” dhe “Mbajtja e lokaleve për prostitucion”, parashikuar nga neni 114 dhe 115 të Kodit Penal, në ngarkim të shtetases Rolanda Qose, dhe për veprën penale “Prostitucioni”,në ngarkim të shtetaseve M.Gj., dhe E.M., parashikuar nga neni 113 i Kodit Penal.