“S’e hapte gojën, e gjeta të mbledhur”, nëna e 13-vjeçares së përdhunuar në Berat rrëfen tmerrin

Aliosha Emini, 49-vjeç ka rënë në prangat e policisë pasi ka përdhunuar një 13-vjeçare me inicialet B. Guri.

Ngjarja e rëndë ka tronditur Beratin, ndërkohë që detaje të tjera nga ngjarja janë bërë me dije.

49-vjeçari pasi ka abuzuar me të miturën ka tentuat të trafikojë edhe të motrën e saj 19-vjeçarën me iniciale A.Guri duke patur si qëllim trafikimin për shfrytëzim prostitucioni.

Në lidhje me ngjarjen, nëna e vajzave ka dhënë dëshminë e saj dhe ka rrëfyer momentin e dhimbshëm kur e bija e mitur i ka ardhur e shokuar.

Sipas atyre që ajo ka deklaruar, bashkëshorti i saj e ka kallëzuar disa herë penalisht Eminin. Ajo shton se ai është person me probleme mendore.

Rajmonda Guri ka deklaruar:

Kishim dijeni që i ngacmonte vajzat dhe kemi bërë disa herë kallëzim në polici. Vajza 13 vjeçare erdhi e shqetësuar në shtëpi dhe nuk fliste. Ajo nuk tregoi për abuzimin se ishte në gjendje të rëndë, Vajza nuk e hapte gojën, e gjeta të mbledhur. Vetëm kur më mori policia, e kuptova ç’i kishte ndodhur.