Të divorcuar dhe në një shtëpi, Alberti bën për spital ish gruan por…

Një 51-vjeçar është arrestuar dhe ka përfunduar në polici pasi ka dhunuar fizikisht dhe psikologjikisht ish-bashkëshorten e tij.

Çifti ishte divorcuar prej kohësh, por për shkak të pamundësisë ekonomike, të dy vijonin të qëndronin në një banesë.

Ngjarja ka ndodhur në lagjen “Dyli Haxhire” në Elbasan. Dhunues është 51-vjeçari Albert Çehu, ndërsa viktimë është 50-vjeçarja me inicialet L.H.

Ata kanë debatuar për motive banale dhe pasi ka ushtruar ndaj gruas presion e dhunë psikologjike, Çehu e ka dhunuar atë edhe fizikisht.

Policia ka shkuar në banesën e Albert Çehu për të bërë të mundur arrestimin e tij dhe dërgimin në spital të ish-bashkëshortes, aktualisht është nën kujdesin e mjekëve dhe psikologes.