U gjet i varur në pemë, zbulohet arsyeja që detyroi të riun të vetëvritej

U gjet i varur në pemë, zbulohet arsyeja që detyroi të riun të vetëvritej

Zbulohen detaje pse 23-vjeçari i dha fund jetës në mënyrë tragjike.

Ngjarja ka ndodhur në fshatin Kurtiez në Buz të Tepelenës, ku i riu u gjet i vetëvarur në degën e një peme nga familjarët e tij.

Rreth orës 15:45, të afërmit, pasi nuk po merrnin asnjë sinjal nga 23-vjeçari Roland Bilaj, nisën të kontrollonin zonën pranë shtëpisë.

Në momentin që e kanë parë para kryerjes së vetëvrasjes me varje, babai i tij, Selman Bilaj, është përpjekur që ta shpëtojë, por pa rezultat.

Ata i janë afruar për t’i hequr lakun e litarit nga qafa, por mësohet se i riu kishte ndërruar jetë.

Pema e kumbullës ku 23-vjeçari kreu vetëvrasjen ndodhej jashtë oborrit të shtëpisë, raporton "Panorama".

Mësohet se i riu prej mbi një viti kishte kërkuar punë pa reshtur, por nuk kishte pasur sukses.

Madje, ai kishte emigruar dhe në Greqi për t’i krijuar vetes më shumë shanse për punësim, por ishte rikthyer në Shqipëri pas tentativës së dështuar.

Të afërmit tregojnë se 23-vjeçari kishte vetëm një vit që kishte përfunduar studimet e larta për administrim-biznes në Universitetin e Gjirokastrës.

Gjatë kësaj kohe, ai ishte mbyllur në vetvete duke mos komunikuar as me familjarët.

Mosgjetja e një pune, sipas këtyre të fundit, e kishte zhytur të riun në një gjendje depresive, gjë që e çoi dhe drejt vetëvrasjes. Grupi hetimor, pas mbërritjes në vendin e ngjarjes, ka nisur punën për sqarimin e rrethanave të ngjarjes.

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.