Kuriozitete
Dhjetëra simpatizantë dhe socialistë mbështesin Tahirin: Ishte ministër i suksesshëm
Dhjetëra simpatizantë dhe socialistë mbështesin Tahirin: Ishte ministër i suksesshëm
Simpatizantë të shumtë të ish-ministrit të Brendshëm Saimir Tahiri janë mbledhur poshtë shtëpisë së tij te “Kodra e Diellit” për të ofruar mbështetjen e tyre.
Qytetarët dhe simpatizantët kanë njoftuar njëri-tjetrin dhe po mblidhen gjithnjë e më shumë përpara shtëpisë së Tahirit në shenjë mbështetjeje të plotë për ish-ministrin.
Mes simpatizantëve ka socialistë dhe punonjës të policisë. Për Report TV, punonjës të policisë thonë se Tahiri ka bërë reforma të mëdha dhe ka qenë ministri më i suksesshëm.
Ish-ministri, sipas Prokurorisë akuzohet për trafik droge dhe ndihmë të organizatave kriminale.
Më herët kur ish-ministri i Brendshëm Saimir Tahiri la ambientet e banesës së tij, pranoi të komentojë shumë shkurt edhe lidhur me kërkesën e Prokurorisë për arrestimin e tij duke u shprehur: "Prisni, s'keni parë gjë akoma"./b.l/noa.al/
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.