E rëndë, një person dërgohet pa shenja jete në spital

E rëndë, një person dërgohet pa shenja jete në spital

Një burrë i moshuar në Shkodër i ka dhënë fund jetës mesditën e sotme pasi dyshohet se është vetëhelmuar me fotoksinë.

Kanë qenë familjarët e tij ata që e kanë gjetur 66 vjeçarin M.M., nga fshati Bzhetë, Malësi e Madhe pa shenja jete në banesë.

Ngjarja ka ndodhur mesditën e sotme, e martë rreth orës 12:10, dhe mjekët nuk kanë pasur mundësi të bëjnë asgjë për të moshuarin pasi kishte ndërruar jetë para se të mbërrinte në spital.

Sipas verifikimeve të para nga mjekët rezulton se viktima ka konsumuar lëndë helmuese fotoksinë në sasi të madhe duke mos i shpëtuar dot vdekjes.

Nuk dihen ende shkaqet që e kanë shtyrë 66 vjeçarin të ndërmarrë këtë akt fatal për jetën. Policia dhe grupi hetimor po punojnë për sqarimin e rrethanave të ngjarjes. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.