Kuriozitete
Automjeti del nga rruga, një person i vdekur
Automjeti del nga rruga, një person i vdekur
Aksident me pasojë një person të vdekur është regjistruar mëngjesin e sotëm në Elbasan.
Ngjarja ka ndodhur në fshatin Selitë, Njësia Administrative Mollas, në vendin e quajtur “Kodra e Madhe”.
Burime policore bëjnë me dije se shtetasi B.M., 57 vjeç banues në fshatin Mollas, duke drejtuar mjetin e tij traktor, pa targa me karroceri të ngarkuar me dru zjarri, ka dalë nga rruga dhe është përmbysur.
Për pasojë, drejtuesi i mjetit ka gjetur vdekjen e menjëhershme për shkak të plagëve të marra.
Policia e cila ka shkuar në vendin e ngjarjes ka nisur hetimet dhe po punon për zbardhjen e plotë të shkaqeve të aksidentit. /b.l/noa.al/
Foto arkiv
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.