BASHA DENONCON: KJO GOMONE QË ËSHTË HEQUR SOT NGA PORTI KA QENË E TAHIRIT

BASHA DENONCON: KJO GOMONE QË ËSHTË HEQUR SOT NGA PORTI KA QENË E TAHIRIT

Në vijim të deklaratave për heqjen e imunitetit të deputetit Saimir Tahiri, për t’i hapur rrugë arrestimit të tij, Lulzim Basha ka postuar në faqen e tij në facebook një foto.

Siç edhe e shikoni, aty pasqyrohet një mjet lundrues, i cili është vendosur mbi një kamion.

Basha e shoqëron edhe me një fjali të shkurtër ku shkruan: Pa koment: “Zoti Kryetar, kjo gomone që është hequr sot nga porti ka qenë e Tahirit”.

Nuk dihet se kush është autor i kësaj fotografie, ashtu sikundër nuk është e vërtetueshme, deri tani, edhe pronësia e mjetit lundrues.

Dita e sotme ka qenë e ngarkuar me deklarata dhe replika mes kampeve politike, që vijojnë edhe pas vendimit për ta shtyrë për ditën e nesërme marrjen e një vendimi për z. Tahiri.

Ky i fundit ka deklaruar se do të presë deri në fund për të dalë e vërteta, duke mohuar çdo akuzë të ngritur ndaj tij.

Por, opozita thotë se u vërtetuan denoncimet e katër viteve rresht për përfshirjen e Tahirit në trafikun e drogës. /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.