Burri dhunon bashkëshorten, i shkakton lëndime në trup

Burri dhunon bashkëshorten, i shkakton lëndime në trup

Një grua nga Ksamili është përballur me ankth dhe frikë nga bashkëshorti i saj xheloz.

Burime nga policia bëjnë me dije se 37 vjeçari A. Kalemi kërcënonte bashkëshorten e tij duke ushtruar dhunë fizike dhe psikologjike ndaj 36 vjeçares V. Kalemi, duke i shkaktuar edhe lëndime të lehta në trup.

Gruaja ka bërë denoncim në polici duke mposhtur frikën, ndërsa policia ka bërë të mundur arrestimin e 37 vjeçarit.

Sipas dëshmisë së gruas bashkëshorti i saj ndjehej xheloz për të dhe kjo shpesh shkaktonte debate mes tyre deri edhe në përdorimin e dhunës nga ana e kryefamiljarit.

Lidhur me rastin, materialet i kaluan Prokurorisë së Sarandës për veprën penale “Dhuna në familje”./b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.