I dënuar me burgim të përjetshëm, Alket Rizai akt human për të shpëtuar 8-vjeçaren greke

Një 8-vjeçare nga Kreta e Greqisë i ka mallëngjyer të gjithë pasi po lufton me kancerin.

Kanë qenë të shumtë ata që dhanë mjaft para për t’iu përgjigjur thirrjes së familjes së saj për ndihmë në mënyrë që ajo të dërgohet në Londër për kurim.

Mes tyre është gjithashtu edhe shqiptari Alket Rizai, i cili është i dënuar me burg të përjetshëm në shtetin grek. Ai mblodhi para nga të gjithë të burgosurit e tjerë.

Sipas mediave greke, lajmi është bërë i ditur nga gjyshi i Evangjelisë, i cili tha se Alket Rizai telefonoi të atin e vajzës dhe i tha se mblodhi lekë nga të gjithë të burgosurit për të ndihmuar Evangjelinë.

Madje, thuhet se Rizai ka kërkuar vendim ministror që të transferohen lekët në mënyrë legale.