Leo Messi fiton një tjetër trofe, ja për çfarë bëhet fjalë

Leo Messi fiton një tjetër trofe, ja për çfarë bëhet fjalë

Sulmuesi argjentinas ka shtuar një datë të re, 24 nëntor 2017, dhe një foto të re në mbledhjen e tij të gjerë të arritjeve dhe meritave.

Bëhet fjalë për Leo Messin i cili mori për të katërtën herë “Këpucën e Artë” ditën e sotme, në një gala emocionale të mbajtur në “Antiga Fàbrica Damm”, në Barcelonë.

Lojtari i Barcelonës u nderua me këtë trofe për sezonin 2016-2017, pasi shënoi 37 gola (74 pikë) në La Liga, çka i dha atij trofeun e katërt “Pichichi”.

Këtë sezon, gjithashtu, Messi dominon renditjen e shënuesve më të mirë të kampionatit spanjoll, me 12 gola.

“Është një çmim për të gjithë. Gjithmonë kam thënë se çmimet individuale vijnë nga dora e kolektivit. Pa shokët e mi nuk do t’i kisha shënuar golat”, tha Messi. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.