Lezhnjani i tronditur: Vajza po më bën gjëmën, më iku truri kur i gjeta…

Një burrë nga Lezha ndjehet i tronditur që edhe pse po “jep jetën” për t’i siguruar ushqimin dhe shkollimin fëmijëve të tij, e bija po ja shpërblen në mënyrën më të keqe të mundshme. Historia është rrëfyer ai.

“Jam 53 vjeç dhe i divorcuar. Jetoj në Lezhë dhe kam mbaruar për Fizikë. Por mësuesia nuk më mundësonte të mbaja dy fëmijët dhe veten, ndaj kam vite që punoj në biznese private, edhe 11 orë në ditë.

Lexova temën e në fakt dhuratë vajzës nuk ma bën zemra t’i bëj për ditëlindjen e 22 të saj, sepse kam zbuluar se më vjedh.

Nuk guxoj t’i them asgjë, se as vetë nuk e besoj dot, por ështe e vërtetë. Djalin e kam me shkollë në Tiranë dhe në shtëpi përveç meje dhe vajzës nuk është askush tjetër.

Zbulova se më mungojnë para në vendin ku i ruaj gjithmonë. Mungojnë herë 50, herë 10…Edhe pse vajzës jam munduar t’i plotësoj çdo gjë. Mbaj dhe djalin në Tiranë sepse ai nuk punon.
Ndjehem i prerë në besë se lekët mënjanë nuk janë për luks, por për bukën e gojës.

Nëse do ketë nevojë për gjë përse nuk m’i kërkon? Do i jepja dhe shpirtin. Me ish-gruan nuk kemi asnjë kontakt asnjëri prej nesh dhe s’kam kujt t’i them të flasë me vajzën se s’dua të lëndohet. Por vetë ndjehem shumë i vogël para kësaj situate. Faleminderit!”, shkruan ai