Kuriozitete
Manjani: “Peshqit e mëdhenj” po na i zënë policët e vendeve të tjera, e jona i ndihmon të fshihen
Manjani: “Peshqit e mëdhenj” po na i zënë policët e vendeve të tjera, e jona i ndihmon të fshihen
Ish-ministri i Drejtësisë Ylli Manjani, i ka bërë apel politikës dhe të gjithë institucioneve shtetërore që të heqin dorë nga teatri dhe të marrin përgjegjësitë.
Nwpwrmjet nj postimi nw Facebook, Manjani shkruan se pavarësisht se sistemi i drejtësisë në vend është i korruptuar, sërish përgjegjësinë për inkriminimin e politikanëve nuk e mbajnë gjykatësit dhe prokurorët.
“Cilin “peshk të madh” zuri policia dhe e vuri e liroi Drejtësia?! Po na i zënë policitë e vendeve të tjera, se kjo e jona i ndihmon të fshihen”, shkruan Manjani.
Postimi i plotë i Ylli Manjanit:
Jo më teatër, por merrni përgjegjësitë!
Që të merremi vesh:
Pa dyshim që gjyqtarët e Prokurorët e korruptuar, kanë pëgjegjësinë e vet për mos dënimin trafikantëve!
Por ata (gjykatësit e Prokurorët) nuk janë as drejtuesit, as organizuesit e as mbeshtetësit e trafikantëve! Përgjegjësinë për këtë gjë duhet tja kërkojmë QEVERISË!
Në cilin rast, kur kishte një trafikant me dosje të plotë me prova, gjykatat dhanë pafajsi?! Po flas për prova jo llafe e as letra pa vlerë.
Cilin “peshk të madh” zuri policia dhe e vuri e liroi Drejtësia?! Po na i zënë policitë e vendeve të tjera, se kjo e jona i ndihmon të fshihen.
Insistoj në bindjen time më të thellë se: korrupsionin dhe krimin e bën ose e nxit qeveria! Gjykata thjesht merr bakshishin.
Drejtësia duhet të ndëshkohet për shkak se ka lejuar politikën të fusë hundët në punët e saj! Por nuk mund të ndëshkohet për shkak se “hunda” e politikës nuk jeton dot pa mall e krim!
Nëse duam të ndreqim ndonjë gjë në këtë vend, mirë është të fokusohemi tek problemi. Dhe në shoqërinë demokratike “Problemi është qeveria”- ka thënë Presidenti i USA Ronald Regan.
Zhvendosja e vemendjes nga problemi tek nënproblemi vetëm sa e përkeqson gjendjen!
Megjithatë, drejtësinë e reformuam, po qeverisë si do i bëjmë!
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.