Kuriozitete
Pak orë pas marrjes në pyetje nga Prokuroria, Tahiri ka një mesazh
Pak orë pas marrjes në pyetje nga Prokuroria, Tahiri ka një mesazh
Ish-ministri i Brendshëm, Saimir Tahiri, ka postuar një foto në facebook, nga momenti që u shfaq përpara medias, pas marrjes në pyetje nga organi i akuzës.
Në diçiturën e fotografisë Tahiri shkruan, “rruga për të vërtetën vazhdon, çdo orë, çdo ditë…deri në fund. Faleminderit të gjithëve!
Tahiri u thirr sot nga prokurorët për Krime të Rënda, ku u mor në pyetje.
Ai qëndroi aty për më shumë se dy orë, ku të pranishëm ishin edhe avokatët e tij mbrojtës.
Ky veprim erdhi një ditë pasi 4 oficerë të Policisë Gjyqësore, me kërkesë të Prokurorisë, kontrolluan banesën e deputetit, Saimir Tahiri.
Pak ditë më parë, edhe Parlamenti, vetëm me votat e mazhorancës, pranoi pjesërisht kërkesën për ushtrim kontrolli në banesë, por hodhi poshtë heqjen e imunitetit dhe arrestimin e tij. /k.k/noa.al/
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.