Pak para fillimit, anulohet spektakli i sotëm i ‘Dance with me’, ja çfarë ka ndodhur

Të gjithë presin me padurim që mbrëmjen e sotme të transmetohet finalja e madhe e “Dance with me”, por mos prisni më, pasi sot nuk ka shfaqje. Pak minuta para fillimit të spektaklit Alketa Vejsiu ka njoftuar se sot në orarin prime time do të transmetohet “Opinion” për shkak të ngjarjeve të aktualitetit të dites së sotme.

Moderatorja dhe producentja njofton se “Dance with me” do të transmetohet natën e Krishtlindjeve, më 25 dhjetor teksa në fund të njoftimit shkruan se po priste me padurim takimin e radhës.

“Grand Finale te henen qe vjen date 25 dhjetor! Finalja e spektaklit Dance with me do te transmetohet ne 3 ore transmetimi fantastik te henen qe vjen; kjo per shkak te ngjarjeve te aktualitetit te dites se sotme qe do te pasqyrohen ne nje episod special te Opinion ne Tv Klan.
Faleminderit per mirkuptimin! Po prisja me padurim takimin e rradhes me ju!”, shkruan Alketa Vejsiu.