Presidenti i PPE flet hapur: Shqipërinë do e marrim seriozisht kur të luftojë drogën, drejtësia problem

Presidenti i PPE flet hapur: Shqipërinë do e marrim seriozisht kur të luftojë drogën, drejtësia problem

Presidenti i Partive Popullore Europiane, e ka thënë hapur dhe qartë problemin që ka Shqipëria me drogën.

Joseph Daul ka shkruar në Twitter se, krimet e drogës në vendin tonë janë vërtetë problem madhor, që sipas tij pengon rrugëtimin për në Bashkimin Europian.

Ai thotë se rruga përmes së cilës duhet të kalojë Shqipëria, për t’u bërë pjesë e BE-së, është përmes luftës kundër korrupsionit, sundimit të ligjit dhe pavarësisë së gjyqësorit.

Vetëm atëherë, shkruan Daul, do të merret seriozisht aspirata për në BE.

“Aspiratat e BE-së do të merren seriozisht vetëm kur zbatohen sundimi i ligjit, pavarësia e drejtësisë dhe lufta kundër korrupsionit.

Krimet e drogës janë një problem i madh që pengon këtë rrugë europiane. Përpjekje reale duhet të bëhen për të luftuar këto krime me transparencë të plotë”, ka shkruar ai. /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.