Qëllon me thikë në kokë djalin e xhaxhait, arrestohet autori

Qëllon me thikë në kokë djalin e xhaxhait, arrestohet autori

Motivet e pronësisë vijojnë të jenë indicie për konfliktet edhe brenda familjes. Një i ri është arrestuar nga policia, pasi goditi me thikë në kokë kushëririn e tij.

Ngjarja ka ndodhur një ditë më parë, në fshatin Stërbeg të Rrogozhinës.

Xhevahir Hasa, 28 vjeç, “për motive pronësie ka ushtruar dhunë fizike ndaj djalit të xhaxhait, shtetasit R. H., 21 vjeç dhe duke përdorur armë të ftohtë (thikë) i ka shkaktuar atij dëmtime të lehta në kokë”, sqaron policia.

Për fat të mirë, i demtuari ka shpëtuar pa plagë serioze.

Materialet iu referuan Prokurorisë së Rrethit Gjyqësorë Kavajë, në ngarkim të shtetasit të lartpërmendur për veprat penale "Dhunë në familje" dhe "Prodhim dhe mbajtja pa leje e armëve të ftohta". /k.k/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.