Kuriozitete
Reshat Arbana: Pse iu riktheva teatrit, pas 9 vitesh larg skenës
Reshat Arbana: Pse iu riktheva teatrit, pas 9 vitesh larg skenës
Reshat Arbana rikthehet pas nëntë vitesh në një skenë teatri dhe pas shumë vitesh në një intervistë televizive.
Në një rrëfim për “Pasdite në Top Channel”, aktori, “Nderi i Kombit”, tregoi pse pranoi rolin në komedinë e trishtë “Babai” me regji të Spiro Dunit, në teatrin “Skampa” të Elbasanit.
“I kisha bërë një betim vetes që s’do të pranoja më asnjë rol, por u josha dhe u intrigova shumë nga roli i babait me dementia. Më ka lodhur shumë ky personazh, por besoj se publiku do ta presë shumë mirë”.
Duke u ndalur tek eksperienca personale, Arbana tha se ai ka qenë dhe vijon të mbetet një baba patriarkal.
Aktori që ka mbi 45 role mbi supe, u ndal dhe tek debati i para pak muajve mbi ndalimin e disa prej filmave të komunizmit.
“Mbase nga ana artistike nuk kanë qenë shumë cilësorë, por kanë pasur pastërti morale. Tani shohim VIP-a të zhveshur…”. Për Reshat Arbanën, kinematografia e pas ’90-ës ka prodhuar shumë pak filma.
Aktori i madh shqiptar foli edhe rolet e jetës dhe tij dhe marrëdhëniet me kolegët e atyre viteve, për të cilët thotë se plejada e tyre s’do të kthehet më kurrë. Mes tyre, veçon Sandër Prosin.
“Edhe kur më bënte vërejtje për ndonjë rol, ma bënte me shumë finesë”.
I pyetur për mjeshtërinë e recitimit, ai tha se e gjitha ka nisur si revoltë ndaj fenomeneve sociale.
Poezitë “Hakërrimi”, “Koha është e maskarenjve” dhe “Në mundsh” janë ndër poezitë më të arrira, interpretuar nga Reshat Arbana.
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.