Rrëfimi i shkodranes: Lashë shkollën për të, ai më përdhunoi e më la tek shokët….

Sa vajza kanë rënë “viktima” për një dashuri? Kanë sakrifikuar gjithçka dhe si përfundim kanë marrë ofendime, dhunë dhe kërcënime.
Një histori mjaft prekëse ka mbërritur pranë redaksisë së Jetaoshqef.al. Një histori ku besimi tek dashuria e saj, bëri që ajo të humbë shumë gjëra.
20-vjeçarja shkruan me frikë historinë e saj.
Ajo është një vajzë pa shpresa, pa ëndrra dhe që jeton kot. Dashuroi dikë që nuk e vlerësoi. Vajza nga Shkodra bëri shumë sakrifica për të, arriti deri aty sa la shkollën, por këto sakrifica i shkuan kot. Djali që ajo donte arriti deri në atë pikë, saqë e përdhunoi për ta lënë më pas në duar të shokëve të tij. Lidhjet e tij me qeverinë bënë që ai të mos dënohet kurrë për atë që bëri.
E zhgënjyer dhe pa shpresa, vajza thotë se nuk mund të besojë më asnjë mashkull, edhe pse ka tepër nevojë për dikë që e mbështet dhe që e do. Ka nevojë për një sup ku të mbështetet dhe për dikë që nuk do t’ia dijë mbi të kaluarën e saj.
E pyetur për detaje të tjera mbi historinë e saj, ajo refuzon të flasë më tepër pasi frika se ata do e kuptojnë rrëfimin e saj, është tepër e madhe. Gjithashtu, ajo thotë se nuk mund t’i denoncojë ata, sepse vetëm po t’i denoncojë tek shokët e tyre që sigurisht nuk do marrin asnjë masë ndaj tyre.