Shqiptari tenton të korruptojë policinë italiane, e pëson keq

Shqiptari tenton të korruptojë policinë italiane, e pëson keq

Një shqiptar e ka pësuar keq duke përfunduar në prangat e policisë italiane pasi tentoi të korruptojë uniformat blu.

Bëhet fjalë për 38-vjeçarin Hasim Balliu, i cili u arrestua nga policia në provincën e Cerignola-s në Foggia.

Ai u ndalua në stacionin kryesor të Cerignola-s për një shkelje të rregullave rrugore, por për t’i shpëtuar ndëshkimit me gjobë i ofroi 15 euro karabinierëve.

“Merrni këto 15 euro dhe më lejoni të iki,” mësohet t’i ketë thënë shqiptari uniformave blu raporton FoggiaToday.

Por policët italianë kanë refuzuar menjëherë ryshfetin duke e prangosur shqiptarin. Tashmë Balliu do të përballet në gjykatë për shkeljen “nxitje korrupsioni”. /b.l/noa.al/

www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.