Kuriozitete
Toka e kishës e bashkëshortes së Nishanit, qeveria e shpërblen me miliona lekë
Toka e kishës e bashkëshortes së Nishanit, qeveria e shpërblen me miliona lekë
Një vendim i posaçëm është marrë në mbledhjen e fundit të Këshillit të Ministrave, ku bashkëshortja e ish-Presidentit Bujar Nishani, Odeta Nishani është dëmshpërblyer me 70 milionë lekë të reja.
Kjo pasi zonja Nishani rezulton një nga pronarët e truallit të Kishës së “Shën Piu X” në Elbasan.
Qeveria argumenton në vendimin e saj se trualli i kalon Kishës, ndërsa pronarët do të shpronësohen në vlerën e 70 milionë lekëve të reja.
Bëhet fjalë për një truall me sipërfaqe 5 mijë metër katrorë, ndërsa thuhet se vendimi i qeverisë është marrë në zbatim të marrëveshjes së lidhur mes Shqipërisë dhe Vatikanit.
Më tej nënvizohet se, trualli i kalon fillimisht në pronësi Ministrisë për Europën dhe Punët e Jashtme, e cila do të duhet të paguajë dhe shpenzimet prej 2 milionë lekësh për procedurat e shpronësimit.
Kjo ministri do të jetë ajo që më tej do të kryejë të gjitha procedurat e regjistrimit të kësaj prone në emër të Kishës Katolike Shqiptare. /a.y/noa.al
www.noa.al – Agjencia Kombëtare e Lajmeve NOA, pjesë e NOA-InfoMedia. Viti i njëmbëdhjetë i transmetimit.
Të gjitha të drejtat janë të rezervuara © 2007-2017 Agjencia Kombëtare e Lajmeve NOA.