Trump ngatërron gazetaret finlandeze gjatë konferencës për shtyp (Foto/Video)

Presidenti amerikan Donald Trump ka qenë sërish në qendër të vëmendjes, për faktin se gjatë një konference për shtyp me presidentin finlandez Sauli Niinistö ka ngatërruar dy gazetaret e huaja bionde.

Pasi i është përgjigjur pyetjes së gazetares së parë finlandeze, gazetarja tjetër i ka drejtuar një pyetje presidentit finlandez, ku në një moment Trumpi e ngatërroi atë me të parën.

Ai i është drejtuar homologut të tij finlandez duke i thënë “a do t’i përgjigjesh gazetares së njëjtë”.

Por, presidentit Niinistö reagoi shpejt duke thënë se në Finlandë kanë shumë bionde, dhe nuk bëhet fjalë për personin e njëjtë.

Gazetarja e parë bionde ishte Paula Vilen nga televizioni publik finlandez, e cila e pyeti Trumpin lidhur me atë nëse Rusia përbën kërcënim.

Ndërkaq gazetarja e dytë e cila dhjetë minuta më vonë e pyeti Trumpin, është Maria Annala, gjithashtu gazetare finlandeze. /Telegrafi/