Elbasan/ Vjedhje e bujshme në shtëpinë e biznesmenit, familjarët: Nëse i shikoni makinat na telefononi

Elbasan/ Vjedhje e bujshme në shtëpinë e biznesmenit, familjarët: Nëse i shikoni makinat na telefononiS. Bardhi

Vec-e-jona

Një vjedhje e bujshme ka ndodhur mbrëmë në fshatin Mengel të Elbasanit, ku një biznesmeni i janë vjedhur 2 makina.

Fjala është për Ylli Salla-n që përveç makinave i kanë vjedhur edhe kasafortën me para.

Vjedhja ka ndodhur rreth orës 04:30 të mëngjesit nga persona ende të paidentifikuar. Deri më tani policia dyshon se grabitja ka qenë e mirëorganizuar dhe e menduar deri në detaje

Grabitësit kanë mundur të futen në banesën e biznesmenit duke hapur derën kryesore, ndërsa çelësat e makinave i kanë marrë në tavolinat e paradhomës.

Ndërkohë një i afërm i biznesmenit Salla ka shkruar për JOQ:

Përshëndetje JOQ! Këto dy makina janë vjedhur rreth orës 04:30 në Elbasan. Kushdo që i ka parë të telefonojë në numrin e telefonit: 0696012332.

E kemi raportuar rastin në polici por akoma asgjë, prandaj duke parë aktivitetin tuaj besoj se mund të na ndihmoni.

Nuk e kemi idenë se kush mund ta ketë kryer vjedhjen.

Po ashtu e bija e biznesmenit është shprehur:

Unë Suzana Salla, e bija e biznesmenit Y. Salla, në emër të familjes sime deklaroj se vëmë në dispozicion të personave që kontribuojnë për identifikimin e autorëve dhe zbardhjen e menjëhershme të vjedhjes së banesës së familjes sonë një shumë të konsiderueshme parash. Ky shpërblim vlen për çdo informacion që mund të na jepni në numrat e celularit 0692083170 dhe 0696012332 dhe kushdo që ka parë vjedhësit duke qarkulluar mëngjesin e sotëm me makinat me targa AA393PV dhe HP565J."

JOQ.al