Ekzekutoi me plumb në bark avokatin grek, rrëfehet shqiptari: Kush e donte të vdekur dhe sa më paguan

Ekzekutoi me plumb në bark avokatin grek, rrëfehet shqiptari: Kush e donte të vdekur dhe sa më paguanF. Tenolli

Lajme

Për vrasjen e avokatit të njohur grek Mihalis Zafiropoulos janë zbuluar detaje të reja.

Ai u ekzekutua me armë zjarri nga një shqiptar, identiteti i të cilit nuk është bërë ende me dije.

32-vjeçari shqiptar ka pranuar fajësinë para policisë greke dhe ka deklaruar se gjithçka ka qenë aksidentale.

Në lidhje me këtë ngjarje, ai ka pranuar se ishte porositur nga dikush dhe ka dëshmuar edhe shumën që i është dhënë për këtë krim.

Mediat greke theksojnë se shqiptari ka thënë se ishte rekrutuar nga mafia shqiptare për ta shantazhuar avokatin, por jo për ta vrarë.

Shqiptari ka dëshmuar se porositësit janë: Albert Bako, Olti Dulçe dhe Klodian Lekocaj, të burgosur në burgun e Koridhalos, ku vuajnë dënimin për krime të mëparshme.

Ata i kishin premtuar shqiptarit 3 mijë euro për ekzekutimin e avokatit të njohur grek.

Shqiptari ka deklaruar se kishte si qëllim ta trembte dhe jo ta vriste. Ai ka shtuar se duhet ta qëllonte në këmbë, por plumbi e kapi atje ku nuk duhej dhe avokati mbeti i vdekur.

JOQ.al