Presidenti Trump na sakatoi me lajmin e fundit, ku do të mbyten tani shqiptarët?

Presidenti Trump na sakatoi me lajmin e fundit, ku do të mbyten tani shqiptarët?L. Çela

Vec-e-jona

200 mijë ishin vjet, nja 400 mijë priten sivjet. Shqiptarët të cilët ëndërrojnë "tokën e premtuar", Amerikën, u zhgënjyen nga presidenti Donald Trump.

Pas një ngjarjeje të rëndë të ndodhur përtej Atlantikut, kreu i "Shtëpisë së Bardhë" shprehu kërkesën e tij për t'i dhënë fund Lotarisë Amerikane. Kjo ka qenë një dëshirë e kahershme e tij.

Në Shqipëri gjithçka u bë shkrumb. Orët e fundit kanë qenë sfilitëse për shpirtrat tanë me shpresat pa frena. Kur thurnim ëndrra që mosha më e mirë e jetës të na gjejë në SHBA, ndodh kjo.

Thonë se qeveria po merr masat për të krijuar ndonjë lojë të re dhe t'ua shpërndajë të gjithë njerëzve, sepse mërzia ka arritur kulmin. Nuk dimë më as të mashtrojmë veten, sepse alternativa e fundit e jetës po shuhet.

Ashtu si në Romën e lashtë, Kryeministri mendon ditë e natë për popullin. Shumë shpejt do të gjejë lodrën e radhës, fantazinë, diçka ekzotike, çorientuese, pa asnjë lidhje me skutat e errëta të krimit.

E sigurt që mbi 60% e shqiptarëve do të tundohen prej tij. Pse jo? Votat e dëshmojnë këtë… /JOQ.al

JOQ.al