Rama: Unë jap dorëheqjen, je gati ti Basha?

Rama: Unë jap dorëheqjen, je gati ti Basha?A. Shehaj

Lajme

Edi Rama është kapur edhe një herë tjetër me Lulzim Bashën, e këtë herë kanë qenë akuzat e kreut të opozitës ato që e kanë acaruar, veçanërisht diskutimi mbi impiantin e përpunimit të mbetjeve.

Basha e akuzoi se ky impiant ka kushtuar plotë 400 milion euro, ndërsa kreu i qeverisë, duke premtuar se do të largohet nga pushteti, e sfidoi hapur ta vërtetonte atë që kryedemokrati po thoshte.

Rama u shpreh nga foltorja:

Më the që janë 400 mln euro për impiantin e përpunimit dhe trajtimit të mbetjeve. Hajde dhe ma vërteto. Nëse 400 milion është siç thua ti, unë iki direkt, jap dorëheqjen, e thjeshtë fare. Ti ç'a bën? Ti sbën asgjë… A je gati ti?"

Më tej ai foli edhe për Rrugën e Kombit, me të cilët demokratët mburren se arritën ta ndërtonin, por që kryeqeveritari e shikon si grykë shisheje.

Ndër të tjera, Rama u shpreh nga foltorja:

Lulzim, shko në shkollë tek Faiku edhe tek imzot Noli dhe mëso të ndash fyerjen, sharjen, gjuhën e rëndomtë. Nëse i ke dëgjuar nga unë ndonjëherë, hajde mi nxirr dhe përballu me mua. Je gati të japësh dorëheqjen nëse nuk janë 400 milionë siç i rrokanis kokën shqiptarëve, prej 3 ditësh? Unë jam gati të jap dorëheqjen. Hajde thuaje këtu janë 400 milionë dhe unë jam gati".

JOQ.al