Vjosa del nga shtrati, përmbyten disa lagje në Vlorë

Vjosa del nga shtrati, përmbyten disa lagje në VlorëA. Shehaj

Lajme

Lumi i Lanës në Tiranë nisi të dilte nga shtrati që prej mbrëmjes së djeshme, ndërsa si pasojë e reshjeve të dendura, mëngjesin e sotshëm është pikërisht lumi i Vjosës ai që po paraqet situatë kritike dhe ka nisur të dalë nga shtrati duke rrezikuar seriozisht banesat në fshatrat përgjatë luginës së tij.

Ndërkaq, disa lagje të mëdha të Vlorës, si "28 nëntori", pranë kishës ortodokse, ish-Shkolla e Naftës, "24 Maji" etj, janë zgjuar mëngjesin e sotshëm gati-gati të përmbytura.

Banorët e zonës thonë për JOQ.al se fatmirësisht, deri më tani nuk kanë pasur mungesë të energjisë elektrike, por situata është mjaft kritike dhe pritet të përkeqësohet gjatë orëve në vijim.

JOQ.al