“Allahu Akbar”/Shqiptari i vë thikën në fyt italianit, tmerr e panik në disko

"Allahu Akbar"/Shqiptari i vë thikën në fyt italianit, tmerr e panik në diskoA. Shehaj

Lajme

Foto ilustruese

Frikë e ankth kanë ndjerë qytetarët e Firences gjatë natës së djeshme, pasi një shqiptar 30-vjeçar dhe një marokin 31-vjeçar janë futur në një diskotekë dhe kanë terrorizuar njerëzit.

Të dy të dehur, duke mbajtur në duar një thikë, janë futur në ambientet e diskos dhe duke thirrur "Allahu Akbar" kanë shkaktuar frikë e panik.

Për të qetësuar situatën kanë ndërhyrë bodigardët e diskos, por shqiptari dhe marokini i kanë sulmuar, duke shkatërruar edhe disa automjete që ndodheshin jashtë.

Ata janë kthyer sërish në diskotekë duke thirrur sërish ‘Allah Akbar’. Tensioni dhe frika ka qenë e madhe ndër njerëzit të cilët kanë dalë duke ulëritur jashtë diskotekës.

Njëri prej rojeve ka treguar se, marokeni i kishte vendosur thikën në fyt dhe kishte qëndruar ashtu, deri sa kishte humbur vëmendjen dhe roja ka mundur ta shtrijë në tokë e ta neutralizojë.

JOQ.al