Aktori i famshëm rrezikon burgun, si “ia futi” ekonomisti i besuar

Aktori i famshëm rrezikon burgun, si "ia futi" ekonomisti i besuarA. Shehaj

Thashetheme

Aktori i famshëm turk Kıvanç Tatlıtuğ po përballet me akuza dhe rrezikon burgun, pasi dyshohet se ka shmangur pagimin e taksave. Mashtrimi dyshohet të jetë për një shumë prej 1 milion dollarësh, të padeklaruara.

Sipas mediave turke, aktorit i është dorëzuar nga zyra e prokurorit më 29 shtator, një prokurë në të cilën thuhej se kishte mbi 3.5 milion lira turke borxhe, taksa dhe interesa.

Vetë aktori ka bërë me dije se i ka paguar gjithë borxhet e tij përmes llogaritarit Erdal D., në mënyrë të rregullt.

Në deklaratën e firmosur nga avokati i tij, Tatlıtuğ shprehet se ka kaluar shuma të mëdha parash në llogarinë e ekonomistit të tij, për të paguar taksat dhe borxhet e ndryshme që kishte.

Me sa duket, ekonomisti i ka mbajtur të gjitha paratë për vete, duke mos bërë asnjë pagesë në emër të aktorit.

Dëmi i shkaktuar shkon rreth 3.5 milion lira turke, që i bie rreth 923 mijë dollarë.

JOQ.al