Arrestohen shqiptarët me fabrika kanabisi në Angli, droga kap vlerën 750 mijë paund

Arrestohen shqiptarët me fabrika kanabisi në Angli, droga kap vlerën 750 mijë paundS. Shtjefni

Lajme

Autoritetet britanike kanë arrestuar 10 persona, pas një operacioni kundër lëndëve narkotike,

BBC shkruan se oficerët kanë bastisur 11 shtëpi në Gloucester dhe Cheltenham, si dhe 4 lavazhe përgjatë dy ditëve të fundit.

Operacionet e zhvilluara të mërkurën dhe të enjten ishin pjesë e operacionit Cleveland, që nisi pas të dhënave që morën autoritetet britanike në lidhje me bandat e krimit të organizuar që operonin në vend.

Policia e Gloucestershire ka thënë:

Kemi zbuluar 6 prona, të cilat ishin kthyer në fabrika kanabisi dhe në to kemi gjetur anëtarë të bandave shqiptare. Një prej fabrikave të kanabisit ndodhej fare pranë një shkolle fillore në Gloucester. Anëtarët e këtyre bandave nuk kanë aspak mëshirë për sigurinë dhe mirëqenien e atyre që jetojnë në komunitetet ku ata operojnë.

Të gjithë të arrestuarit, identiteti i të cilëve nuk bëhet i ditur, po mbahen nën akuzën e mashtrimit, shpërndarjes së drogave të klasit B dhe prodhimit e përpunimit të këtyre drogave.

Në këto shtëpi është gjetur edhe një 17-vjeçare duke punuar në kushte të papërshtatshme.

JOQ.al