Barcelona ka mashtruar për largimin e Neymar-it, Xavi i nxjerr të palarat klubit

Barcelona ka mashtruar për largimin e Neymar-it, Xavi i nxjerr të palarat klubitL. Çela

Sport

Kur Neymar u transferua nga Barcelona te PSG-ja për 222 milionë euro në verën që lamë pas, katalanasit akuzuan brazilianin se nuk i kishte njoftuar në kohë.

Ky, megjithatë, rezulton të ketë qenë vetëm një justifikim për dështimin në gjetjen e pasuesit të tij, sepse klubi e ka marrë vesh që më 30 qershor, në dasmën e argjentinasit Lionel Messi.

Lajmin e ka zbuluar Xavi Hernandez:

Ai na tha në dasmën e Leos se donte të ndryshonte skuadër. E pyeta për arsyen dhe m’u përgjigj se nuk ishte i lumtur te Barça. Ky ishte vendimi i tij, në fund të fundit”.

Presidenti Josep Maria Bartomeu, pra, ka pasur plot kohë për ta zgjidhur çështjen, por ka shtyrë gjithçka duke u përpjekur të bindte lojtarin për t'u tërhequr, derisa ka shpërthyer në akuza.

JOQ.al