Basha tregon si po përdoret buxheti 2018 për të pastruar paratë e drogës: Ja skemat

Basha tregon si po përdoret buxheti 2018 për të pastruar paratë e drogës: Ja skematA. Naçi

Lajme

Kreu i opozitës Lulzim Basha në një dalje për mediat ka folur për projekt buxhetin 2018 i cili pritet të votohet në Kuvend. Basha e quajti buxhetin 2018 si të rënimit të shqiptarëve.

Teksa nxori akuza të forta ndaj kryeministrit Edi Rama për mënyrën e skemave që do të përdoret për të pastruar paratë e drogës, Basha tha se me anë të ndërtimeve dhe hoteleve të drogës do të bëhet e mundur të legjitimohet krimi. Më tej, bëri të ditur se opozita nuk do e votojë këtë projekt buxhet.

Lulzim Basha tha se:

Edi Rama do ta përdorë vitin e ardhshëm për të pastruar paratë e drogës. Në qendër është shteti i kriminalizuar dhe narko shteti si dhe ekonomia e kriminalzuar. E nisi me kultivimin e kanabisit. Me paratë krimi ka kaluar në dy fusha të tjera. Ka kaluar në trafik heroine dhe kokainë. Krimi po zhvendoset në ndërtime dhe në banka. Po zhvendoset në mes të shesheve të Tiranës dhe në projektin 1 miliard euro të Tiranës”.

Basha në mbyllje të prononcimit të tij tha:

Projektbuxheti duhet të sekuestrohet nga DEA si një provë ligjore që do të fundos Ramën që po pastron paratë e drogës. Nuk do e lejojmë që të pasurohet edhe më shumë oligarkët dhe të varfërohet të vegjlit".

JOQ.al