Ekskluzive/ Si vidhen qytetarët në mes të Tiranës dhe policia bashkiake fle gjumë

Ekskluzive/ Si vidhen qytetarët në mes të Tiranës dhe policia bashkiake fle gjumëM. Gjini

Vec-e-jona

Shumë qytetarë të indinjuar kanë kontaktuar me redaksinë tonë në lidhje me një fenomen mjaft të padrejtë që ndodh fare pranë qendrës së kryeqytetit të Shqipërisë.

Disa individë në fund të “Rrugës së Kavajës” në Tiranë, nuk të lënë të kalosh me automjet apo të parkosh aty, pa u paguar atyre në mënyrë të paligjshme një tarifë të caktuar.

Sipas raportuesëve, mjafton të paguash 200 lekë të reja dhe mund të lësh makinën aty për një ditë të tërë apo për sa orë të duash gjatë ditës. Banorët shprehen se për çudi kjo situatë vazhdon prej disa vitesh dhe çuditërisht policia bashkiake nuk bën asgjë për të shpëtuar qytetarët e shkretë nga kjo vjedhje e hapur në mes të ditës.

Ndoshta sepse janë më të zënë për t’i hedhur qepët rrugëve apo për të sekuestruar ndonjë kastravec tek ambulantët e varfër në rrugë.

Në vijim shqetësimi i qytetarëve i mbërritur pranë redaksisë sonë, i shoqëruar me video:

Pershendetje JOQ, kam deshire te ndaj nje shqetsim me ju. Te ish kinema Milenium, ne fund te rruges se Kavajes, direkt pas godines me xhama qe eshte bere tani, jane disa individe qe s’te lene te kalosh ose te parkosh makinen. Duan te kontrollojne ata vendin, parkimin dhe makinat. Sic po shihni ne video, ata u marin shoferve ose celsat ose lek per te parkuar, nderkohe bllokojne edhe hyrje-daljet se nuk ka vend per te parkuar. 2 mije leke te vjetra dita. Po bejn disa vite dhe policia bashkiake nuk ka ardhur.

JOQ.al