“I mbështjellë me batanije dhe me bagazh të hapur”, transportimi i viktimës skandalizon qytetarin

"I mbështjellë me batanije dhe me bagazh të hapur", transportimi i viktimës skandalizon qytetarinS. Bardhi

Vec-e-jona

Mesditën sotme ka ndodhur një ngjarje e rëndë në lumin e Osumit në Berat, ku është nxjerrë i pajetë 57-vjeçari Nuri Jazi.

Nuk janë bërë akoma të qarta motivet e mbytjes së 57-vjeçarit por kanë qenë kalimtarët ata që kanë njoftuar policinë.

Në njoftimin zyrtar të policisë thuhej se trupi pritet t’i nënshtrohet ekspertizës për të zbuluar shkaqet e vdekjes.

Megjithatë, një qytetar ka shkruar për JOQ.al se trupi i viktimës po transportohej në një mënyrë të tmerrshme dhe për këtë ka nisur edhe videon.

Qytetari thotë:

Përshëndetje JOQ! Shikoni se si transportohet i vdekuri nga policia e Beratit. Ai u gjet i mbytur në lumin Osum. Makina e një prej agjencive të funeralit po shoqërohej nga policia. Viktima ishte i mbuluar me një batanije dhe bagazhi i makinës komplet hapur, nuk e di për çfarë arsyeje.”

Po sikur viktima të binte nga makina në rrugë?!

JOQ.al