Video
Brenda shtëpisë moderne të Tahirit, ai rrëfehet: Si u ndjeva kur më kontrolluan gjërat personale
Brenda shtëpisë moderne të Tahirit, ai rrëfehet: Si u ndjeva kur më kontrolluan gjërat personaleF. Tenolli
Lajme
Kohët e fundit shtëpia e ish-ministrit të Brendshëm Saimir Tahiri ka qenë në qendër të të gjitha mediave që pas zbardhjes së përgjimeve të dosjes “Habilaj”.
Prokuroria me anë të një mandati kontrolli disa ditë më parë, lejoi oficerë të policisë gjyqësore t’i kontrollonin atij banesën.
Oficerët i sekuestruan Tahirit një valixhe, që besohej se kishte brenda bizhuteritë e shtrenjta që Habilajt i kishin blerë nënës dhe bashkëshortes së tij, ashtu edhe siç përshkruhej në përgjime.
Ai u rrëfye në një intervistë për "Top Story", se si u ndje kur oficerët dhe oficerët i hynë në shtëpi për t’ia kontrolluar:
Ishte një ndjesi e sikletshme, por jo e paparashikuar për mua, pavarësisht se detyra më ka bërë që të shikoja anën e atyre që hynin në shtëpinë e njerëzve. Kuptova që është procedurë goxha e vështirë, veçanërisht për familjarët. Kam kuptuar të gjithë ata që janë ndjerë disi të dhunuar nga policia dhe u kam dhënë më shumë të drejtë atyre që në kohën kur më ankoheshin ndoshta i neglizhoja pak. Jam deputeti i vetëm që policia e prokuroria i kanë hyrë për kontroll në shtëpi, edhe pse ka patur raste kur akuzat kanë qenë shumë më reale. Nuk jam fshehur kurrë pas imunitetit dhe nuk kam imunitet. Asnjë deputet nuk ka imunitet. E vetmja gjë që po e konsideroj imunitet është kontrolli i banesës dhe arrestimi me burg".
JOQ.al