Misteri i 863 mijë eurove, administratorja e “Kurum” fundos Orest Sotën

Misteri i 863 mijë eurove, administratorja e “Kurum” fundos Orest SotënD. Cani

Lajme

Paratë që iu gjetën në makinë biznesmenit Orest Sota, nuk do të transferoheshin në arkën e “Kurum”.

Sipas Sotës, në “Kurum” do të bliheshin 4 mijë ton hekur dhe ai do të bënte pagesën.

Mirëpo, si financieri i kësaj firme, ashtu dhe administratorja e kanë mohuar kategorikisht këtë gjë.

Lindita Kikino, administratorja e “Kurum” ka shpjeguar se nuk ka pasur asnjë dijeni për këtë super pagesë kash.

Në dëshminë e saj ditën e djeshme në prokurorinë e Krimeve të Rënda, Kikino ka rrëfyer se në cilësinë e administratores mbikëqyrëse të financave të kësaj kompanie në asnjë moment nuk ishte informuar për një pagesë të tillë marramendëse.

Dyshimet për alibinë e Orest Sotës shtohen edhe për deklarimet e tij se nuk ka njohje me Saimir Tahirin, por sipas hetuesve, rezulton se shtëpia e tij është në të njëjtin pallat me atë të Tahirit.

JOQ.al