Vrasja e 21-vjeçarit shqiptar në Angli, autorët pranojnë krimin

Vrasja e 21-vjeçarit shqiptar në Angli, autorët pranojnë kriminD. Cani

Lajme

Një i ri shqiptar, i identifikuar si Shkëlzen Dauti, i moshës 21-vjeçare u gjet i pajetë në rrugët e Anglisë marsin e këtij viti.

21-vjeçari vdiq në spital pasi u gjet në rrugën Gilpin Close gjatë orëve të para të mëngjesit të 11 marsit, i vrarë nga dy persona që janë arrestuar.

Williams nga Flintshire dhe Jones nga Denbighshire, pranuan krimin dhe u arrestuan.

Ata pranuan gjithashtu akuzën e grabitjes, ndërsa Williams pranoi posedimin e një thike.

21 – vjeçari u vra pasi Williams dhe Jones nuk kishin para për të paguar për kokainën që kishin porositur.

Ata u takuan me të riun në një cep dhe pasi e grabitën, e goditën me thikë në zemër.

Hetuesit britanikë e konsideruan sulmin ndaj të riut shqiptar si:

Një sulm të pa provokuar, të dhunshëm dhe të pa kuptimtë, që Lee Williams dhe Christopher Jones e ndërmorën për të përmbushur babëzinë e tyre”.

JOQ.al