Dosja Habilaj/ “Lolo”, “Varri”, “Maloku nga Laçi”, cilat ishin nofkat e grupit të trafikantëve të drogës

Dosja Habilaj/ "Lolo", "Varri", "Maloku nga Laçi", cilat ishin nofkat e grupit të trafikantëve të drogësF. Tenolli

Lajme

Klani Habilaj dhe bashkëpunëtorët e tyre i drejtoheshin me nofka njëri-tjetrit. Këto informacione janë zbardhur nga dosja voluminoze prej 416 faqesh e përgjimeve të tyre.

Ata kodoheshin me nofkat karakteristike të tyre në bisedat telefonike që zhvillonin.

Sabaudin Çelaj identifikohet si “Daja” e në të tjera përgjime, të dyshuarit i referohen atij edhe me emrin “Sabi”.

Salvadore Marletta ishte “Vetlla”, një nofkë e marrë nga karakteristikat fizike të tij.

Maridian Sulaj kodohej me nofkën “Varri”, një pseudonim i padëgjuar më parë.

Vlonjati Florian Habilaj, vëllai i Moisi Habilaj, njihej si “Lolo”.

Një nga shqiptarët e tjerë të akuzuar është Fatmir Minaj, të cilit i referoheshin si “Çaku”.

Erson Zhuka, i cili sipas hetuesve ushtronte aktivitetin e tij në Raguza dhe njihej me nofkën “Maloku nga Laçi”.

JOQ.al