Përplasje mes Alibeajt dhe Ruçit, shtyhet mbledhja për heqjen e mandatit të Tahirit

Përplasje mes Alibeajt dhe Ruçit, shtyhet mbledhja për heqjen e mandatit të TahiritS. Bardhi

Lajme

Enkelejd Alibeaj është nxehur nga vendimi i Ruçit për të mbyllur Mbledhjen e Këshillit të Mandatimit dhe shtyrjen e saj për nesër në orën 10 të paradites.

Alibeaj iu drejtua Ruçit:

5 kundër 5 nuk bëjnë kurrsesi shumicë, ne të pestë duam që kjo mbledhje të vazhdojë dhe ata të pestë që ta mbyllin. Si vendos ti që ta shtysh duke mos respektuar kërkesën tonë?! Ju po abuzoni.”

Ndërsa Ruçi u përgjigj:

Nuk e konsideroj kërkesën tuaj sepse kjo është në dorën e kryetarit të këtij Këshilli dhe unë vendos ta shtyj me kërkesë të mbrojtjes. Mbrojtja ka kohë deri nesër për ta paraqitur mbrojtjen.”

Mbrojtja kërkoi shtyrjen për ditën e hënë, por Ruçi vendosi që Mbledhja të shtyhet vetëm për nesër dhe jo deri të hënën.

Ajo që ra në sy ishte heshtja e Tahirit, të cilin pas mbylljes së dyerve me sa duket e kanë vënë me shpatulla pas murit me provat sekrete.

Në fund të mbledhjes u dëgjua zëri i Alibeaj teksa i drejtohej Ruçit: Kjo është turp!

JOQ.al