Ish-portieri acaron tifozët gjermanë: Neuer nuk do të luajë dot në Botëror

Ish-portieri acaron tifozët gjermanë: Neuer nuk do të luajë dot në BotërorL. Çela

Sport

Deklaratë e fortë, nxitëse, acaruese, por jo e pavërtetë!

Ish-portieri i Gjermanisë, Uli Stein, dyshon se kapiteni i Bayern-it, Manuel Neuer, nuk do të jetë 100% gati për Botërorin 2018.

31-vjeçari ka pësuar dy herë të njëjtin dëmtim në kockat metatarsale të këmbës dhe, siç ka pranuar dhe vetë, rrezikon të qëndrojë larg fushave të lojës për rreth gjashtë muaj.

Stein ka deklaruar:

Unë dyshoj që Manuja do ia dalë të jetë në formën e tij më të mirë në Rusi. Dy herë i njëjti dëmtim në të njëjtin vend! E kuptoni? Është diçka që nuk kalon lehtë. Nuk pres që të rikthehet po aq i fortë sa më parë”.

Nëse Neuer nuk do të luajë në kompeticionin që do të zhvillohet në Rusi, vendin e tij i bie ta zërë Marc-Andre ter Stegen (Barcelona).

JOQ.al