Në nëntor FBI vjen në Shqipëri për një operacion të gjerë, Rama “qahet” për policinë

Në nëntor FBI vjen në Shqipëri për një operacion të gjerë, Rama "qahet" për policinëA. Shehaj

Lajme

Situata politike në vend është nxehur së tepërmi pas kërkesës së prokurorisë për të arrestuar Tahirin si dhe zbulimit të lidhjes së tij me grupin kriminal Habilaj.

Paralelisht, kryeministri Edi Rama ka paralajmëruar një mbledhje në Ministrin e Brendshme.

Ka qenë vetë ministri Xhafaj ai që ka bërë me dije se në vendin tonë do të vijnë në fillim të nëntorit ekspertë të FBI-së dhe ekspertë gjermanë, për të asistuar policinë shqiptare në një operacion të gjerë.

Ai tha ndër të tjera:

Në fillim të nëntorit vijnë ekspertë të FBI dhe ministrisë federale të Gjermanisë dhe në vijim duke punuar së bashku do të na ndihmojnë për kapjen e drejtuesve dhe anëtarëve të organizatave kriminale. Prej 2 muajsh, kemi punuar për një plan ambicioz për një operacion i gjerë me përfshirjen e të gjitha agjencive ligjzbatuese".

Nga ana tjetër, Rama, në fjalën e tij u shpreh se në këto 4 vite, Policia e Shtetit është sulmuar më shumë se në çdo periudhë tjetër. Sipas tij, në këtë periudhë ka qenë pikërisht policia, institucioni më i sulmuar.

JOQ.al